Maxaan ka ognahay xariga Col. Tuke oo horay uga tirsanaa milatariga Soomaaliya?

Mareykanka ayaa sarkaal hore uga tirsanaa ciidamada Soomaaliya wuxuu ka baarayaa jirdil, dil aan sharciga waafaqsaneyn iyo xabsiyo sharci darro ah oo la sheegay in uu geystay sanadihii sideetamaadkii.

Yuusuf Cabdi Cali oo loo yaqaanay Gaashaanle Sare Tuke  waxa uu hore u ahaa taliyaha guuto milateri oo ka tirsanayd dawladdii kacaanka ee uu hogaaminayey Maxamed Siyaad Barre.

Sannado kadib markii uu kasoo cararay gudaha Soomaaliya, eedeymaha xadgudubyada la sheegay in uu u geystay dadka aan waxba galabsan ayaa mar kale soo kordhaya.

Sannadka markii uu ahaa 1992-kii, Cali ayaa laga soo tarxiilay Kanada ka dib markii caddeymo lagu soo bandhigay dokumentari ah ay muujiyeen in uu amray dilal badan.

Ninkaan ayaa horay ula kulmay madaxweyne Farmaajo.

Farmaajo And Col. Tuke Photographed Together • Oodweynenews.com Oodweyne  News

Cali markii dambe waxa uu u guuray Maraykanka oo uu ka noqday darawal ka tirsan shirkadda Uber. Saddex sano kadib, ayay xeerbeegti Maraykan ah ku xukuntay in uu jirdil u geystay dhallinyaro Soomaaliyeed sannadkii 1987-kii – oo uu diiday.

Eedeysanaha dib loosoo xiray ayaa lagu xukumay inuu bixiyo $500,000 (£420,000) magdhow ah oo la siinayo dhibanaha kaasoo sheegay inuu ku badbaaday inuu laaluushay dadka xabaalleyda ah si ay isaga badbaadiyaan.

Hadda ninkan oo lagu magacaabi jiray Col Tukeh ayaa la xiray, iyadoo baarayaasha Mareykanka ay baarayaan xadgudubyo baahsan oo ka dhan ah xuquuqda aadanaha oo ay ka mid yihiin dil iyo jirdil kuwaasoo uu horey u geystayax